روزگار کے امکانات کو بہتر بنانے کے لیے پنجاب آئی ٹی بورڈ اور یو ایم ٹی کے مابین مفاہمتی یادداشت طے پا گئی

پنجاب انفارمیشن ٹیکنالوجی بورڈ اور لیبر اینڈ ہیومن ریسورس ڈیپارٹمنٹ کے اشتراک سے وضع کردہ پنجاب جاب سینٹر اور یونیورسٹی آف مینجمنٹ اینڈ ٹیکنالوجی کے مابین طلباء اور گریجویٹس کے لیے روزگار کے امکانات کو بہتر بنانے کے لیے باہمی تعاون کے لیے مفاہمتی یادداشت طے پا گئی۔ ایم او یو پر پی آئی ٹی بی کے سینئر پروگرام مینجر شمس الاسلام اور یو ایم ٹی کے سکول آف سسٹم اینڈ ٹیکنالوجی کے ڈین عاطف علوی نے دستخط کیے۔

ایم او یو کے مطابق ، متعدد انٹرن شپ پروگرام اور جاب فیئرمنعقد کیے جائیں گے تاکہ طلباء کو ممکنہ آجروں کے ساتھ جڑنے اور کیریئر کے مختلف راستے تلاش کرنے کے مواقع فراہم کیے جا سکیں۔ سکلز ڈویلپمنٹ اور خصوصی تربیتی اقدامات کے نفاذ کے حوالے سے بہت سے مواقع فراہم کیے جائیں گے تاکہ طلبا کی صلاحیتوں کو ان شعبوں میں بڑھایا جا سکے جن کی زیادہ مانگ ہے۔